ისტორია

ულამაზეს, ისტორიულ შენობაში „თიბისი ბანკის” სათავო ოფისმა დაიდო ბინა

არქიტექტორ ალექსანდრე როგოისკის სახელს უკავშირდება მარჯანიშვილისა და უზნაძის ქუჩების კვეთაზე მდებარე მოდერნის სტილში აგებული თბილისის ერთ-ერთი ულამაზესი შენობა. მდიდარი დეკორატიული ფასადითა და ინტერიერით გამორჩეული შენობა ა. როგოისკის პროექტით აშენდა. მშენებლობა 1911-1913 წლებში მიმდინარეობდა კავკასიის ოფიცერთა ეკონომიკური საზოგადოების დაკვეთით. სამწუხაროდ, ალექსანდრე როგოისკი ვერ მოესწრო მშენებლობის დასრულებას. ის 1912 წელს გარდაიცვალა და სამუშაოები სამხედრო ინჟინრებმა – დენისენკომ და სავიჩ-რიჩგორსკიმ დაასრულეს. ცალკეული შტრიხებზე, მაგალითად, გარე ფასადის ინტერიერზე, იტალიელმა არქიტექტორმა ანჯელო ანდრეოლეტიმ იმუშავა. გასაბჭოების შემდეგ ამ შენობაში ხანგრძლივი დროის განმავლობაში თბილისის ცენტრალური უნივერმაღი იყო.  2005 წელს შენობას სრულყოფილი რეკონსტრუქცია ჩაუტარდა და შენარჩუნდა პირვანდელი იერსახე, რის შემდეგაც, ისტორიულ შენობაში „თიბისი ბანკის” სათავო ოფისმა დაიდო ბინა.

 

ტეგები
იხილეთ მეტი

მსგავსი სიახლეები