საზოგადოება

ყოველთვის მოიძებნებიან ადამიანები, რომლებსაც შეიძლება სჭირდებოდე…

ადამიანი, რომელიც ხიდის მოაჯირზე იდგა, ძალიან ახალგაზრდა იყო, მაგრამ უკვე ბევრის გადატანა მოესწრო.
საყვარელმა ქალმა მიატოვა, მეგობრებმა უღალატეს, ნათესავებმა ზურგი აქციეს, ის იქცა სრულიად ზედმეტ ბარგად, რომელიც არავის არ სჭირდებოდა ამ სამყაროში. მოკლედ, ცხოვრება ერთბაშად დაენგრა, ბევრი მცდელობის მიუხედავად უკვე ძალა არ ჰქონდა რომ ყველაფერი თავიდან დაეწყო.

მან დაწვა ყველა უკან დასაბრუნებელი ხიდი და ერთი ნაბიჯის გადადგმაღა იყო საჭირო აქაფებული მდინარის მიმართულებით, რომ საბოლოოდ დაესვენა ტკივილისგან და უსამართლობის შეგრძნებისგან.

მან უკანასკნელად ჩაისუნთქა, ის იყო უნდა გადაშვებულიყო მდინარეში, რომ უცებ…
– შვილო, იქნებ შეძლო დახმარება… რითიც შეგიძლია…
ახალგაზრდამ მოიხედა და დაინახა ჩამოძონძილი მოხუცი, რომელიც, მავედრებელი თვალებით მისჩერებოდა. მან ინსტიქტურად ამოიღო საფულე და მთელი თანხა, მოხუცს გაუწოდა.
– არა შვილო, ჩემთვის არ მითხოვია. აგერ იმ მოსახვევში ორი პატარა და-ძმაა, ისინი ობლები არიან, მშივრები, მოუვლელები და იქნებ დაეხმარო მათ დაპურებაში…
უცებ რაღაც გაიელვა მის გონებაში, თვალის გუგები გაუფართოვდა და…
– კარგი, – თავისთვისვე გასაკვირად დათანხმდა ახალგაზრდა.
შემდეგ ჩამოვიდა მოაჯირიდან და გაეშურა ბავშვებისაკენ.
ის თავიდან მიდიოდა ჩქარი, ნერვიული ნაბიჯებით, მაგრამ რაც უფრო შორდებოდა ხიდს, მით უფრო მშვიდდებოდა და მით უფრო უნელდებოდა ცხოვრებასთან განშორების სურვილი. ის თანდათანობით მხრებში გაიშალა, სიარულიც თანდათანობით უფრო თავდაჯერებული გაუხდა და ბოლოს გააცნობიერა, რომ ყოველთვის მოიძებნებიან ადამიანები, რომლებსაც შეიძლება სჭირდებოდე, ყოველთვის მოიძებნება საქმე, რომლისთვისაც ღირს იცოცხლო, და ცხოვრება შენც აუცილებლად დაგაჯილდოვებს – შესაძლოა გვიან, მაგრამ როგორც ღამეს ცვლის დღე ასევე გვირაბის ბოლოსაც ყოველთვის არის სინათლე…..

www.fact2.ge

ტეგები
იხილეთ მეტი

მსგავსი სიახლეები

Leave a Reply

Your email address will not be published. Required fields are marked *